ऑब्स्ट्रक्टिव स्लीप एप्निया (OSA) आणि उच्च रक्तदाब यांचा परस्पर संबंध

( वाचकांच्या सोयीसाठी या लेखातील माहिती पेज च्या खाली विडिओ फॉरमॅट मध्ये ऐकण्यास दिलेली आहे )

ऑब्स्ट्रक्टिव स्लीप एप्निया (OSA) आणि उच्च रक्तदाब (हायपरटेन्शन) हे दोन्ही  परस्पर संबंधित  आजार आहेत. OSA मध्ये झोपेत वरच्या श्वसनमार्गात अडथळा आल्यामुळे वारंवार श्वास घेणे थांबते. यामुळे रक्तातील ऑक्सिजनची पातळी कमी होते आणि झोपेमध्ये वारंवार खंड पडतो, ज्याचा थेट परिणाम हृदय व रक्तवाहिन्यासंबंधी आरोग्यावर होतो.

झोपेत श्वास थांबण्याच्या प्रत्येक प्रसंगात शरीरात अ‍ॅड्रेनालिनसारखे स्ट्रेस  हार्मोन्स स्रवित होतात, जे रक्तवाहिन्या आकुंचित करतात आणि हृदयाचा ठोका वाढवतात. दीर्घकाळ असे घडत राहिल्यास रक्तदाब कायमचा वाढू शकतो, विशेषतः रात्रीच्या वेळेस, आणि तो दिवसाही नियंत्रित राहात नाही.  उच्च रक्तदाब (resistant hypertension) असलेल्या अनेक रुग्णांमध्ये OSA चे निदान न झाल्याचे आढळले आहे.

संशोधनात दिसून आले आहे की, CPAP (कंटीन्युअस पॉझिटिव्ह एअरवे प्रेशर) थेरपीने OSA चा उपचार केल्यास केवळ झोपेची गुणवत्ता सुधारते असे नाही, तर रक्तदाबही नियंत्रणात येतो. त्यामुळे OSA चे लवकर निदान आणि योग्य उपचार केल्यास उच्च रक्तदाब नियंत्रित ठेवणे आणि हृदयरोग, स्ट्रोक व इतर गंभीर गुंतागुंतींचा धोका कमी करणे शक्य आहे.

हृदय रोग >>

घरगुती ब्लड प्रेशर  मोजण्यासाठीचे उपकरण , अधिक माहिती साठी इमेज वर क्लिक करा