स्लीप अ‍ॅप्निया आणि स्ट्रोक: ऑब्स्ट्रक्टिव स्लीप अ‍ॅप्निया (OSA) मध्ये याचा संबंध

( वाचकांच्या सोयीसाठी या लेखातील माहिती पेज च्या खाली विडिओ फॉरमॅट मध्ये ऐकण्यास दिलेली आहे )

स्लीप अ‍ॅप्निया, विशेषतः ऑब्स्ट्रक्टिव स्लीप अ‍ॅप्निया (OSA), ही झोपेची एक गंभीर समस्या आहे. ज्यामध्ये झोपेत श्वास वारंवार थांबतो आणि पुन्हा सुरू होतो. या विकाराशी संबंधित सर्वात धोकादायक आरोग्य समस्यांपैकी एक म्हणजे स्ट्रोकचा वाढलेला धोका. झोपेदरम्यान श्वास थांबल्यामुळे रक्तातील ऑक्सिजन पातळी कमी होते (हायपॉक्सिया), ज्यामुळे मेंदू आणि हृदयावर ताण येतो. OSA मुळे एट्रियल फिब्रिलेशन सारखे हृदयाचे ठोके अनियमित होण्याची शक्यता वाढते, वारंवार ऑक्सिजनची कमतरता झाल्यामुळे शरीरात सूज येते व रक्तवाहिन्यांमध्ये नुकसान होते, ज्यामुळे स्ट्रोक होऊ शकतो.

दीर्घकालीन हायपॉक्सिया ( श्व्सनाच्या अद्थ्ल्यामुळे ऑक्सीजन ची कमी होणारी पातळी ) व झोपेतील व्यत्ययांमुळे शरीरात अंतर्गत सूज  (inflammatory response) व रक्तवाहिन्यांच्या आतल्या अस्तरावर (endothelium) ताण येतो. यामुळे रक्तवाहिन्यांची लवचिकता कमी होते, अ‍ॅथेरोस्क्लेरोसिसची प्रक्रिया गतीमान होते आणि थ्रोम्बस (गाठ) निर्माण होण्याची शक्यता वाढते — ही सर्व स्थिती इस्केमिक स्ट्रोकसाठी प्रतिकूल असते.   

डिप्रेशन आणि मानसिक अस्वस्थता>>